Јавна трибина за важноста на женското учество во креирањето на локалните политики

  • 05.7.2026
  • Настани
Во Демир Капија беше одржана јавна трибина посветена на важноста на учеството на жените во процесите на донесување одлуки и креирање на локалните политики. На настанот учествуваа претставници на локалните самоуправи во Демир Капија, Росоман и Градско, членови на комисиите за еднакви можности на жените и мажите од трите општини и претставнички на Месните Женски Совети од 11 локални заедници кои во изминатиот период активно работеа на идентификување на потребите и приоритетите на своите заедници. Преку отворен дијалог беа презентирани досегашните иницијативи за јавно застапување на жените од руралните средини и можностите за унапредување на консултативните практики во локалните самоуправи. Посебен акцент беше ставен на потребата од редовна, транспарентна и двонасочна комуникација помеѓу локалните власти и жените од заедниците. Учесниците се согласија дека жените се важен двигател на позитивни промени во локалните заедници и дека нивното активно учество во процесите на планирање и донесување одлуки придонесува за поквалитетни и поинклузивни локални политики. Кога жените се слушнати, заедниците се посилни. Кога жените учествуваат, локалните политики се поправедни и поодговорни кон потребите на сите граѓани.

Повеќе информации за настанот прочитајте на страната на МИА на следниот линк:
https://mia.mk/story

Оваа активност е организирана од страна на ОЖ „Женско Лоби“-Демир Капија и е дел од проектот „Жените го преземаат водството во локалните заедници“, финансиски поддржан од Европската Унија, ко-финансиран од амбасадата на Шведска, а имплементиран од The Kvinna till Kvinna Foundation во партнерство со Здружение за унапредување на родовата еднаквост Акција Здруженска и Хуманитарно Здружение Мајка од Куманово.

Галерија